Eguraldi txarrari kasorik egin ez, eta kiroldegian jokatu zuten zortzi bikotek Tilos 7 Pasa Txapelketaren finala. 2014 eta 2015 urteetan bezala, Endika Ramos eta Aiheko Zubimendi izan ziren txapeldunak mutilen aurreneko mailan. Bestalde, Andoni eta Bittor Loran anaiek jantzi zuten txapela bigarren mailan; eta nesketan, Alaitz eta Idoia gailendu ziren.
Ramos eta Zubimendik, partidu erraza
Ramos eta Zubimendik izan zuten partidu errazena: 22-5 egin zuten. Gainera, Del Horno titularra semifinaletan lesionatu eta Larraldek jokatu zuen Undarekin. Loran anaiek 22-18 egin zuten Galdos eta Elizazuren aurka; eta Alaitz-Idoia bikoteak 22-14 irabazi zuten Garcia-Bengoetxearen aurka.
Balorazio oso ona
Antolatzaileek jakinarazi dute, balorazio oso ona egin dutela aurtengo txapelketaren inguruan, eta horregatik, eskerrak eman nahi dizkiete partehartzaile guztiei eta partiduetara gerturatu den jendeari; baita babesleei ere: Ibai Mendi, Ansareo, UTS Komunikazioa, Kitto taberna, Zintzarri taberna eta Joxemari tabernari.