CD Hernaniren 75garren urteurrena dela eta, omenaldi txiki bat egingo die klubak herriarekin eta klubarekin lotura duten hainbat pertsona esanguratsuri.
Horretarako, Teledonostirekin elkarlanean, Teledonosti eta CD Hernani sariak programa grabatuko dute gaur Zubipen. Arratsaldeko 19:00etan izango da, eta sarrera librea izango dute bertaratu nahi dutenek. Eguraldiak laguntzen badu, zelaian egingo da grabaketa; bestela, tabernan izango da.
Hamaika omendu
Sarien banaketa gaurko programan egingo da; dena den, CD Hernanik jada jakinarazi du zein izango diren gaurko omenduak. Hamaika pertsona dira, eta denek dute lotura bai herriarekin, baita klubarekin ere: Luis Llopis, Miguel Arrospide, Emiliano Rama, Evaristo Gonzalez, Alfredo Azkue, Luis Telleria, Ceferino Ormazabal, Ricardo Ramos, Mariano Oruezabala, Rufino Rekalde eta Eva Esnaola.