25 urte bete ditu aurten Hernaniko Udalak argitaratzen duen urtekariak, eta hori ospatzeko, orduko ohitura bat berreskuratu nahi izan dute: urtekaria San Joanen bueltan argitaratzea, hain zuzen. Hortaz, asteazkenean aurkeztuko dute Hernani 2016 urtekaria, 23garren zenbakiduna. Arratsaldeko 19:00etan izango da aurkezpen-ekitaldia, Biterin.
19 gai eta hainbat egile
Hemeretzi gaiekin osatu du Udalak aurtengo urtekaria, baita 2015eko ohiko kronikarekin ere. Sakontasunez landutako gaiak dira, arlo desberdinetakoak: historia, etnografia, arkeologia, natura, musika, hizkuntza, literatura, kirola... herriko hainbat egilek idatziak.
Argazkia, Marisol Yabenena
Oraingo honetan, urtekariaren azala egiteko, Marisol Yaben hernaniarraren argazki bat erabili dute, eta ondoren, UTS Komunikazioak egin du montajea.