Aurten ere, lau haur saharar etorriko dira Hernanira, Oporrak Bakean programaren barruan, udara pasatzera. Baina beste 15 haur, Amasa-Villabonako aterpetxean elkartuko dira, bi hilabetez, eta bilketa berezi bat egiten ari dira, udara bertan pasatzeko.
Horregatik, bilketa egingo dute gaur Plaza Berrin, goizeko 11:00etatik 14:30etara. Jaso nahi dituzte, batetik, elikagaiak: esnea, latak (artoa, txanpinoiak, ilarrak, piperrak, atuna, tomatea, melokotoia, piña eta bakarkako zukuak. Baita komuneko papera ere.
Eta bestetik, materiala: udarako arropa, zapatak (32 eta 40 talla artekoak) eta baita jostailuak ere.
Pintxo eta edariak, aukeran
Gainera, pintxo eta edariak ere eskainiko dituzte Plaza Berrin bertan, bilketa gunean.