Urko Semperena seigarren, Gipuzkoako errepide txapelketan

Urretxuko Saria jokatu zen larunbat goizean, Gipuzkoako Errepide txapelketako lasterketa ere izan zena. Uste baino lasterketa azkarragoa izan zen. Hasiera bizkor-bizkorra izan zen; Atagoitiko igoeraren aurretik, aurreneko 70 kilometroetan, txirrindulariak 44 kilometro orduko media egitera iritsi ziren.

Semperena, 18en artean
Portuaren hasieran 18 txirrindulari ziren buruan, eta 4 minutuko aldea ateratzen zioten pelotoiari. Distantzia hori haunditzen joan zen pixkanaka, eta ibilbidearen segurtasuna bermatze aldera, antola­tzaileek pelotoieko txirrindulariak lasterketatik kanpo uztea erabaki zuten. Hala, lasterketaren buruan zijoazen 18 txirrindulariak bakarrik egin zuten aurrera; eta tartean zen Urko Semperena astigartarra.
Gabirian, bigarren portua igo­tzean, 18ko talde hori dese­gi­ten joan zen pixkanaka. Ha­in­bat txirrindulari atzean ge­ra­tu ziren, eta Dorian Foulon fran­tzesak atakatzea erabaki zuen. Hala, 8 txirrindulari ge­ra­­tu ziren buruan. Semperena atzean geratu zen igoeran, baina jaitsieran erremontatzea lortu eta berriz ere engantxatu egin zen aurreko txirrindulariekin.
Hirugarren portua, Eitzan­goa izan zen definitiboa. Az­pa­rren, Murgiondo, Iribar, Amo­narriz eta Altuna jarri ziren bu­ruan, eta 20 segundura, atze­an geratu ziren Carbayeda, Foulon eta Semperena. Hel­mu­gara bitartean hala joan ziren, eta azken metroetan Limousin taldeko Unai Iribarrek lortu zuen irabaztea; esprintean gailendu zen Xabier Murgiondo eta Ander Amonarrizen kontra. Urko Senperena 6garren postuan helmugaratu zen, Luke Carbayeda eta Dorian Fulonen aurretik.

Kadeteek, bi proba
Txirrindulari kadeteek Gi­puz­koa­ko Txapelketako bi proba jokatu zituzten: erlojupekoa eta errepidekoa. Telmo Sem­pere­neak ezin izan zuen parte hartu; bertan izan zen ordea, Tomas Otermin astigartarra. 39garren postuan bukatu zuen lasterketa.
Aste honetan Aizarnaza­ba­len izan zen Urko Semperena. Gaur berriz, kadeteek Uztarri  Sari Nagusia izango dute jokoan Aizarnazabalen baita ere. Azkenik, bihar berriz, Txi­rrindulari Ju­niorrak Eibarko Euskadiko Txapelketan izango dira:  San Joan Saria izango dute jokoan.