Ekintza berezia eginen dute datorren asteartean Goizuetan. Gizarte Zerbitzuaren Buthantxo proiektuaren aurreneko ekintza izanen da, Andres Nabarte ‘Xalto’ ikastetxeak antolatuta eta herritarren laguntzarekin.
Zaintzen ginkana, herrian barrena
Gizarte Zerbitzuek abian jarri duten Buthantxo proiektuaren aurreneko ekintza izango da asteartekoa, zaintzen ginkana, hain zuzen. Goizeko 10:30etan hasita, proba ezberdinak dituen jolasa eginen dute herriko ikasleek. Baina ez dira eguneko protagonista bakarrak izanen; ikasle eta irakasleez gain, herriko dendariek, tabernariek eta eragile ezberdinek ere hartuko baitute parte.
Buthan herria, eredu
Proiektu hau garatzeko Buthan herria eredu izan da; bertan, zoriontasun indize gordina erabiltzen dute beraien garapena neurtzeko. Eragileek diotenez, Buthantxo proiektuaren bidez, «herriko jendearen harremanak babestu eta hobetu nahi ditugu, eremu desberdinetan, adin guztietako lagunak elkartuz eta beraien harremanak estutuz». Horretarako, aurreneko pausua emango dute asteartean.