Ikusle askoren aurrean, ezin izan zuen semifinaletara sailkatu Hernanik, Berria Txapelketan. Baina estutu zuen Ilunpe!
Kadete mailan, erraz nagusitu zen Ilunpe, eta aukerarik ez zuten izan Arizmendik eta Zugastik (4-22).
Berdinduagoa izan zen partidua jubenil mailan, eta Ilunpe faborito izan arren, kostata lortu zuen garaipena. Bikain hasi ziren Agirre eta Alberdi, 10-6 aurreratuta, baina behera egin zuten gero (18-22).
Nagusietan, garaipena
Ederra izan zen nagusi mailako partidua, kategoriako lau pelotari onenetakoekin. Ezin hobeto hasi ziren hernaniarrak, Arrieta sakearekin mina egiten eta Aizpitarte oso seguru (6-0). Pelota aldaketarekin, berdinketa asko izan ziren. Baina, azkenean, behera egin zuen atzelari azpeitiarrak, eta Hernanik lortu zuen puntua (22-20).