Gipuzkoa Zutik mugimendua jarri zuten martxan ekainaren 29an, Donostiako Gipuzkoa plazan, «erraustegiaren proiektua gelditzea eskatzeko, eta beste eredu baten alde egiteko, gure bizitza zentroan jartzen duena. Hori da mugimenduaren lema nagusia, Ustelak lurpera, bizitza da handiena».
Mugimendua herrialde osora ari da zabaltzen, maila lokalean gai horietaz hitz egin eta eragiteko. Eta Buruntzaldean ere, osatu nahi dute Buruntzaldea Zutik taldea, eskualdean lanean hasteko. Horretarako, aurreneko asanblada deitu dute bihar, Lasarte-Oriako Okendo plazan, arratsaldeko 16:30etan. Hernanitik talde bat joango da, eta herritar guztiei luzatu diete gonbitea, gerturatzeko.