Hitzarmena sinatu dute Hernaniko Udalak eta Hernaniko Gure Esku Dago taldeak. Eta horren bitartez, diruz lagunduko ditu Udalak, taldeak aurreko urteotan antolatu dituen ekitaldiak.
Izan ere, 2013ko ekainean sortu zen Gure Esku Dago herri dinamika Euskal Herrian, eta urte bereko irailean hasi zen lanean Hernaniko taldea: «ordutik, hitzaldiak, filmen emanaldiak, giza-kateak eta mosaiko erraldoiak antolatu dituzte, besteak beste. Hernaniko Udalak, dinamika hori sustatzeko asmoz, lankidetza hitzarmen bat sinatu berri du, 2014 eta 2015 urteetan egindako ekitaldiak diruz laguntzeko», azaldu dute.
Guztira, 7.254,90 euroko dirulaguntza
Astelehenean eraman zuten paperera akordioa, Hernaniko udaletxean bertan, Luis Intxauspe Hernaniko alkateak, eta Jesus Uzkudunek, Gure Esku Dagoren ordezkari gisa.
Guztira, 7.254,90 euroko dirulaguntza emango dio Udalak, herri mugimenduari.