San Antonio edo San Joan, beti festa ondoan

Nabaria da gainean direla San Joan jaiak. Auzoz auzo, festa giroan murgilduta dabil Hernani azkenaldian, eta aste honetan, festa nagusietarako beroketak hasiko dira: Preludioa, Azeri Bila...

Txartel salmenta eta eskaeretarako epeak
Prestaketa lanetan mur­gildu­ta, Sutu Hernanik bazkaria antolatu du hilaren 25erako, eta txartelak salgai izango dira ostiralera arte Aker, Garin, Goiz Argi eta Zintzarrin. Begano eta begetarianoek adierazi egin behar dute beste menu bat nahi dutela.
Bestalde, Xalaparta Txa­ran­garen 50 urteak ospatzeko afaria egingo da hilaren 24an, eta igandera arte eman daiteke izena.
Bestelako eskaerak egiteko epea ere aste honetan bu­ka­tu­ko da: udaletxean eskatu behar da jaien hasiera edo bu­ka­e­ra balkoitik ikus­te­ko aukera izatea, eta leku pu­blik­o­etan sua egiteko baimena.

Entsaioak eta emanaldiak
Prestaketa lanen barruan, Etxeberriko haurren dan­bo­rra­dan parte hartu zutenek astelehenetik ostegunera di­tuzte entsaioak, 18:30etan, San Joanetan ateratzeko.
Gainontzean, eztanda egin­go dute ekitaldiek: ost­ir­a­le­an, Gerardo Pla­zaren Oroi­-m­e­nezko haur xake txa­pel­ke­ta, eta XVIII. Preludio Txikia izango dira, eta asteburuan, aurorak, Azeri Bila, Txan­txan­gorriren hiru tiro txapelketa, boxeoa, palankariak...