Atzotik gaur arte indarrak gorde dituenak badu zerekin entretenitu gaur, Ereñotzun.
Pelota partiduak eta sagardoa, goizerako
Txistularien diana bukatuta, 10:00etan meza izango da, eta 11:30etan pelota partiduak: palan, A.Arrieta-M.Goikoetxea /A.Araiztegi-M.Huizi, eta eskuz, Olaizola I-M.Lizeaga/ M.Olazabal-E.Azpitarte. Segidan, 12:00etan, sagardo probaketa egingo da, Elutxeta, Iparragirre, Elorrabi, Otsua-enea, Olaizola, Goiko-Lastola eta Larre-Gaingo zukuekin.
Bertso jaialdia, arratsaldean
Siestarako tartearen ondoren, 18:30etan, bertso jaialdiaz gozatzeko aukera izango da. Oholtza gainera igoko dira Maialen Lujanbio, Andoni Egaña, Igor Elortza, Eli Pagola eta Unai Mendizabal.
Umorea nagusi, atzo
San Antonio eguna bihar ospatuko da meza, herri kirolak, dantza eta abarrekin.
Atzo berriz, umorea eta umeak izan ziren nagusi. Goizean, gaztetxoak, eta arratsaldean, Gazte Olinpiadetan umeak baino hobeto ibili zirenak!