Kalejiran hasi zuten atzo kurtso bukaerako festa, Norberto Almandoz musika eskolako ikasleek. Eta dagoeneko, aurreneko kontzertuak eskaini zituzten, Ikatza eta Bukoi tabernetan, iluntzean.
Gaur emango diote jarraipena, eta festa haundia biziko dute, Musika Egunaren 16garren edizioa. Txistularien dianak esnatuko du herria, eta Elizan izango dira aurreneko ekintzak, txikienekin.
Gero, Foru Plazara mugituko dira, AHIT taldearekin kalejiran, eta bertan eskainiko dituzte kontzertuak pop taldeek. Gero, emanaldi berezi batekin emango diote bukaera.
GAUR
09:30, Txistularien diana.
10:00, Musika hezkuntza goiztiarra (0-3 urte), biolin taldea, eta tailerra 1, 2 eta 3 urteko ikasleekin, Elizan.
11:00, AHIT taldearen kalejira, Elizatik Foru Plazara.
11:30, Pop taldeen emanaldia, Foru Plazan: Tirrittiki, Ez dakigu, Pandero-ero, Ilargia, Ken 8, B&W, Gabiltzanian eta Aire-Aire.
13:30, Amaierako emanaldia: AHIT, Iratzar abesbatza, Turuta txaranga eta NAME Big Band.