Bederatzi kilometroko bidea, azeriaren atzetik

Kronika - Erredakzioa 2016ko eka. 11a, 02:00

San Joan jaiak ate joka daude, eta hori iragartzeko ohiko ekintzak hastera doaz. Hori­etako bat da datorren larunbatean egingo den Azeri Bila herri lasterketa. Arratsaldeko 18:30e­tan hasiko da lasterketa nagusia, eta aurretik, haurren probak izango dira. 

Helduen izenematea, internet bidez
Lasterketa nagusia da probaren ardatza: urtero bezala, 4,5 kilometroko ibil­bideari bi buelta eman beharko dizkiote par­te­hartzaileek. Lau kategoriatan egingo dute korrika parte-har­tzaileek, eta horretarako, izena emateko aukera dute www.ki­rolprobak.com web orrian, 9 edo 11 euroren truke. Ekaina­ren 17ra arte egongo da epea irekita, baina egunean bertan ere salduko dira dortsalak, 16 euroan.

Dortsala jasotzera, haurrek
Bestalde, arratsaldeko 17:30e­tan hasiko dira haurrentzako probak. Eta bertan parte hartu nahi duten haur eta gazteek, haur hezkuntzakoek izan ezik, dortsala aurretik hartu beharko dutela jakinarazi dute antolatzaileek. Horre­tarako, CD Hernanik antletis­mo­ko pistan duen lokaletik pasa beharko dira astelehenetik ostiralera, arratsaldeko 18:30e­tatik 20:00­e­­tara. Egunean bertan ere hartzeko aukera izango da, baina antolatzaileek eskertuko lukete aurretik jasotzea. 

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!