Semifinalaren bila gaur, Herriartekoan

Kronika - Erredakzioa 2016ko eka. 11a, 02:00

Lazkaon jokatuko du Her­na­­nik gaur, Herriarteko Txa­pelketan, final laurdenetako bueltakoa. Joanekoan lortu zuten abantaila hernaniarrek, hiru partidutik bi irabazita, eta 19 tantoko aldearekin; baina ez dute lan erraza izango gaur, arra­tsaldeko 16:30etatik aurrera.
Garikoitz Arizmendi eta Oihan Zugasti ariko dira kadete mailan; Xabat Pagola eta Ioritz Berasarte jubeniletan; eta Paul Ojuel eta Eneko Aizpitarte nagusietan.
Urteko txapelketa ezagunenean, semifinaletara sail­katu nahi du Hernanik. Eta hasiera batean, faborito da aurrera egiteko. Horretara­ko, pelota elkarteak herritar guztiei luzatu die deia, Laz­kao­ra gerturatu eta pelotari hernaniarrak animatzera.

Euskal Herriko finala, Lazkano eta Arizmendik
Goizean, berriz, beste zita ga­rrantzitsu bat daukate pe­lo­tari hernaniarrek: Trinke­teko Euskal Herrikoan, finala jokatuko dute Ander Laz­kano eta Endika Arizmendi jubenilek. 10:30etan izango da, Iruran.
Aurrean izango dute bi­kote bizkaitar bat, Galda­kao­ko Adiskide taldekoa. Haiek di­ra faborito, baina bere one­na emango dute hernaniarrek, Gipuz­koa­koan lortutako txapela errepikatzeko. 

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!