Orain hilabete onartu zuen Udalak, Norberto Almandoz ere­­mua garatzeko programa, EAJren aldeko botoekin, eta EH Bilduren abstentzioarekin. Izan ere, bere kezkak erakutsi ditu EH Bilduk, eta alegazioak aurkeztu ditu, hiru helbururekin: Kale Nagusia 24an bizi eta jarduera ekonomikoa duten per­tsonen eskubideak bermatzea; udaletxeko plazara iristeko igo­­gailua egitea; eta eraikin berriko lokalen zati bat, Udalaren jabetzakoa izatea.
«Familia baten eta ileapaindegi baten etorkizuna daude jo­koan, eta eskatu dugu, prozesu guztian zehar kaltetuek berme guztiak izatea; familiaren etxebizitza eskubidea eta komertzio txikiaren bideragarritasuna ziur­tatzea», azaldu dute.

«Pisuzko justifikaziorik gabe desagertu da promotoraren zama, igogailua egiteko»
Modu berean, EH Bilduk gogorarazi du, aurreko legealdian promotorari ezarri zitzaiola zama, Goiko Plazara igogailua jartzeko: «oraingo agirietan, aldiz, pisuzko justifikaziorik gabe desagertu da zama hori».
Horregatik, eskatu dute igo­gailuaren proiektua berreskuratzea: «herriko gune garran­tzitsuenetakoa da; beraz, promotorearen kargura igogailua bideratzeko unea da, eta ihes egiten utzi ezin den aukera».
Beste bi igogailu ere behar direla uste du alderdiak: Arro­bitxulotik kiroldegira, eta Jose­ba Barandiaran plazatik Anus­kara eta kultur etxera.

Lokal berria, Bake Epaileak eta Udaltzaingoak
Bestalde, Udalak lokalak eskuratzea ere eskatu du EH Bilduk: «legez eman behar dizkio promotorak, baina ordainetan di­rua jasotzearen alde egin du Udal Gobernuak. Atzerapauso onar­tezina da hori. Lokalak esku­ratuko balira, Bake Epai­lea eta Udaltzaingoaren egoi­tza mugitu daitezke bertara; eta horrela, Jubilatuen Elkar­tearen lokala haunditu, eta Udaleko sarrera eta erregistro zerbitzua hobetu».
Zentzu horretan, kritikatu du Udal Gobernuaren «axolagabekeria eta utzikeria», eta uste du agiriak «promotoraren neurrira» onartu dituela, «herriaren beharrei bizkar eginez». 

Kanpaina, ostegunetik

Afaria egin dute Zipotzan, hasteko.

Ostegunean hasi du hau­teskunde kanpaina EH Bil­duk, gauerdian, eta afari ba­tekin eman zioten hasiera, Zipotza elkarteanBertan azalduko zituzten kanpainaren nondik no­rakoak.
Jardunaldi ba­na egingo dute Erribera eta Sagardo Plazan, ekainaren 13an eta 15ean, 19:00e­tan. Hilaren 16an, berriz, Pintxo botoa izan­go da Erri­bera, Arrobi­txu­lo eta Ergo­bia plazetan; 17an bizikleta martxa herri­an, eta 18an mendi martxa Santio­men­dira.
Bestalde, EH Bilduk he­rri­tarrak animatu ditu, botoa posta bidez emateko aukera aprobetxatzera. Ekainaren 16ra arte dago epea.