Aukeratu dute herritarrek, nolako itxura izan behar duen Santio jaietako egitarauak: UTS Komunikazioa taldearen proposamena izan da bozkatuena, aurkeztu ziren lau programa posibleen artean.
Kultur etxean egon ziren ikusgai laurak, eta bertan izan dute bozkatzeko aukera herritarrek, asteartera bitarte. Kontaketa, berriz, hurrengo egunean egin zuten, Jai Batzordearen bileran.
Guztira, 119 lagunek eman zuten botoa, eta horietatik, 61 boto jaso zituen UTSrenak, eta aldearekin irabazi zuen: beste hirurek, 26, 16 eta 16 boto jaso zituzten.
UTSren proposamena, eta Santiotako egitaraua izango dena, taldearen Facebookeko orrialdean dago ikusgai.