Aurreneko fasea bukatuta, bigarrenean sartuko da orain Hernani Erabaki, aurrekontu parte-hartzaileetarako prozesua: irailaren 11ra bitartean, herritarrek egindako proposamenak baloratu eta hauen bideragarritasuna aztertuko dute ordezkari politikoek eta udal teknikariek.
Baina aurretik, herritarrek egindako proposamen horiek guztiak ezagutzeko aukera izango da; gaur aurkeztuko dituzte guztiak, arratsaldeko 18:30etan udaletxean.
«Parte-hartzea, inoiz baino biziagoa»
Udalak jakinarazitakoaren arabera, herritarrek 649 proposamen egin dituzte «Hernani hobetzeko». Hain zuzen, «parte-hartzea inoiz baino biziagoa» izan dela azaldu du Udalak. «Parte-hartze kultura zabaltzen ari da hernaniarren artean; zorionak».