Ekainaren 26an izango dira Espainiako hauteskundeak, eta «data konplikatuak» direla ikusita, dei egin die Astigarragako EH Bilduk herritarrei, posta bidezko botoa erabiltzeko: «ekaina bukaera, jaiak inguruko herrietan, eta udarako oporraldien hasiera. Horregatik, dei egiten diegu herritarrei, baliatzeko botoa postaz emateko aukera. Ekainaren 26an independentiston ahotsa Madrilen bermatzeko, eta murrizketa sozial, politiko eta ekonomiko guztiei ezetz esateko».
Posta bidez, Correosen ekainaren 16a baino lehen
Botoa posta bidez emateko, Correoseko edozein bulegotara joan behar da, ekainaren 16a baino lehen, eta bertan eskaera orria bete. Gero, etxera bidaliko dute dokumentazioa, ekainaren 19a baino lehen, eta hilaren 22a baino lehen aurkeztu beharko da Correosen.
Bozkatzaileak berak joan beharko du bulegora. Astigarragako bulegoaren ordutegia: astelehen-ostiral 08:30-14:30, eta larunbatetan 09:30-13:00.