San Antonio festen usaina nabari da Ereñotzu aldean. Ostegunean hasiko dira ofizialki festak, baina aurretik, girotze aldera, ekitaldi ugari ari dira izaten. Gaurkoan, dozenaka herritar bilduko dituen horietako bat izango da jokoan: Ereñotzuko Mendi Lasterketa. Seigarren edizioa izango da gaurkooa, eta azken hiru urteetan bezala, Urdaburutik barrena egingo dute 12 kilometroko buelta. 832 metroko desnibel metatua du lasterketak, eta antolatzaileen esanetan, jaitsiera teknikoak izanagatik ere, edonork egiteko moduko lasterketa da.
Askok aurretik izena eman badute ere, animatzen denak gaur ere izango du aukera Ereñotzun; plazan eman ahal izango da, 09:30etan, 15 euroan. Goizeko 10:30etan hasiko da.
Umeen krosa, ere bai
5 eta 11 urte bitarteko neska-mutilek ere izango dute kilometro bateko krosean parte hartzeko aukera. 10:00etan da eta bertara azaldu besterik ez dute.