«Denon artean geldituko dugu»

Osasunaren alde eta erraus­te­giaren aurka giza katea egin zuten aurreko igandean On­kologikotik Gipuzkoa plazara, Erraustegiaren Aurkako Mu­gi­menduak deituta. Milaka per­tsonak hartu zuten parte, eta bertan izan ziren Asti­ga­rraga Zero Zaborreko kideak ere. 
Donostiako Londres Hote­le­tik Boule­var­d­era egin zuten katea astigar­­tarrek, eta ondoren, Gipuz­koa plazako ekitaldian egin zu­ten bat beste gipuzkoarrekin. 
Besteak beste, bertan m­e­zua irakurri zuen Teresa Lo­pez de Munainek, Erraus­te­gia­ren Aurkako Mugi­men­du­aren izenean. Eta be­rak esandakoa astigartarrei helarazi nahi die Astigarraga Zero Zabor taldeak.

Lau mezu
Erraustegiaren Aurkako Mugi­menduak esan beharrekoa lau mezutan laburbildu zuen Teresa Lopez de Munainek.
Aurreneko mezua gizarteari zuzendu zion: «zu, gizarteko kide bezala, ondo dakizu, guk bezain ondo, ez zenukeela nahi erraustegi bat etxe ondoan. Badakizu txosten epidemiologikoek zer dioten: erraus­tegiak minbiziaz hiltzeko arris­kua dakar. Zuretzat nahi ez duzun hori ez ezazu onartu beste gipuzkoarrentzat ere. La­gun gaitzazu. Olatua handitu besterik ez da egingo aurrerantzean eta zure laguntza ere behar dugu. Denon artean geldituko du­gu».
Bigarrena, «gobernatzen gai­­tuztenei»: «erraustegia al­de  batera utzita, hondakinen ku­­deaketan badaude alternatibak. Horiei buruz hitz egiteko prest gaude. Hori bai, erraustegia inposatzen saia­tzen badira, parean izango gaituzte». 
Hirugarrena, enpresei: «herritarrek ez dugu nahi gure osasunaren kontura negozioa egitea eta ez dizuegu hori erraztuko. Geure osasunak eta gure seme-alabenak zuen negozio interesek baino gehiago balio dute». 
Eta bukatzeko, alderdi eta eragileei eskatu zieten: «Es­pero dugu erronkaren tamainako erantzuna zuen aldetik. Zuen konpromisorik irmoena eskatzen dizuegu herritarron osasunarekiko. Zaudeten to­kian zaudetela, gobernuan edo oposizioan: erraustegia baz­tertu eta beste bide alter­na­tiboen alde egingo duzuela espero dugu».

Testu osoa, interneten
Teresa Lopez de Munainek aurreko igandeko ekitaldian irakurri zuen testu osoa  www.kronika.eus web orrian egongo da ikusgai.