Iskibi kanpinak antolatuta, BTT zeharkaldiaren zazpigarren edizioa eginen da bihar, eta oraindik eman daiteke izena: www.kirolprobak.com webgunean eginez gero, federatuek 12 euro, eta ez federatuek 14 euro ordaindu beharko dituzte, eta bihar, 08:00etatik lasterketa hasi arte, 09:00ak arte, izena ematen duenak 16 edo 18 euro oraindu beharko ditu.
Bi ibilbide, Artikutzan
Aurreko edizioan bezala, aurten ere bi ibilbideren artean aukeratu ahal izanen da. Luzeak, 43km izanen ditu, eta 1.369 metroko desnibela. Motzak, berriz, 30km eta 1.050 metroko desnibela. Biak ere, Artikutzako parke naturalean barrena pasatzen dira.
Irteera eta helmuga Iskibi kanpinean bertan izanen dira, eta parte-hartzaile guztiek pasa beharko dute inskripzio mahaitik, ondorengo opari zozketan parte hartzeko. Bestalde, kaskoa erabiltzea derrigorrezkoa izanen da, eta ibilbidean zehar bi postu jarriko dira, jan-edanekin.
Zeharkaldiaren ondoren, bazkaltzeko aukera
Proba bukatuta, parte-hartzaileek luntxa izanen dute helmugan, eta dutxak eta bizikletak garbitzeko gunea, Iskibi kanpinean.
Era berean, 12 euroko menua prestatuko dute kanpinean bertan, bihar bazkaltzeko. Gaur, berriz, parte-hartzaile eta lagunek debalde egin dezakete lo kanpinean.