Hamabost puntu bozkatu zituen astearteko Plenoak, eta atzeratua geratu zen bat izan ezik, guztiak onartu zituzten.

Pleno luzea eta eztabaidatua izan zen asteartekoa. Hama­bost punturen inguruan aritu ziren Plenoan bildutako al­der­diak, eta ia guztiak onartu ziren, tartean: oposizioko zinegotzi baten libe­razioa, Kiroldegiko obrak, Udal eraikinen gar­bi­ke­ta, eta bi mozio.

EAJk, liberatu bat
Apirilaren 15ean Tokiko Era­kun­deen lege berria onartu zuen Legebiltzarrak EH Bildu eta EAJren botuekin. Beste hain­baten artean, legeak ja­sotzen du 10.000 biz­tanletik gorako herri­etan, oposi­zioko alderdiak zine­gotzi liberatu bat izango duela. Hernanin Go­ber­nu Taldeak ba­karrik ditu zinegotzi liberatuak, eta orain, EAJk ere izango du bat. Atzo testu mol­da­tua onar­tzekoak ziren, baina apli­ka­zioan kezka sortu zaiola azaldu zuen EH Bilduk. Kontua da, zi­negotzi liberatuei aurreko la­nean duten soldata man­tentzen zaiela: «eta kasu h­o­ne­tan, za­lantza sortu da aurreko lana man­tenduko den edo ez» gehitu zuen Alkateak. Hala, mahai gainean utzi eta hu­rren­go Plenora ekartzea propo­satu zu­en Intxauspek. Amona­rraizek bat egin zuen erabakia atze­ra­tzearekin eta «ados jartzen saia­tu behar dugu», gaineratu zuen. Crespok gehitu zuen, bien ar­tean jarri behar dutela ados, bai­na legea bete behar dela. Eta   bide batez, dietak edo libe­razioak eskatu zituen gaine­ra­ko alder­di­entzat ere. Aristregik oposizio guz­tiarentzat baldin­tza berak eskatu zituen, eta go­goratu zuen Udal Legeak gu­txi­enez liberatu bat aipatzen due­la: «Gobernu Tal­deari esku­za­bal­tasuna eskatzen diogu». Al­kateak erantzun zuen ho­­rren in­guruan hitz egin dutela au­rre­tik ere, eta EH Bilduren ba­tza­rrak hartutako erabakia de­la opo­si­zioak liberatuak ez izatea. 

Garbiketa kontratuak ere, aztergai
Kale garbiketa eta Udal erai­kinen garbiketako kontratuen inguruan ere aritu zen Plenoa. Kale garb­i­ke­taren harira, Go­­ber­nu Taldeak azaldu zuen zer­bitzua indartu be­ha­rra ze­goela, eta urtebete luza­tze­az gain, 60.000 euroko aurre­kon­tua izango duela orain. 50.000 euro erabiliko direla auzoak gar­bitzeko, San Joanetako gar­biketa indar­tze­ko, opor eta ordezkape­nak kubri­tzeko... eta 10.000 euro Her­nani Era­bakin onartu mo­du­an, Kax­ko­ko grafiti eta pintadak garbitzeko. Guztiek alde bozkatu zuten, OHk izan ezik. Aristregik esan zuen kon­­tratazio priba­tue­kin bukatu be­har duela Udalak. Gobernu Tal­deak erantzun zion EH Bildu lanean ari dela bide ho­rretan, «baina gogoratu nahi di­zugu zuek ere Kontratazio Mahai­aren parte zaretela, eta kanpo kontratazioak onartu izan ditu­zu­ela». Crespo po­zik azaldu zen gar­bi­keta in­dar­tze­ko hartutako era­ba­kiarekin. Udal eraikinen gar­bi­ke­taren ka­suan, 6 enpresa aur­kez­tu zirela azaldu zuen eta EU­LEN SAri esleitu zaiola kontratua.

Sortzen elkarteari, 1000 euro
Euskal Eskola Publiko Berria­ren al­­deko jaia egin zen Her­nanin orain egun gutxi, eta Sortzen el­karteak dirula­gun­tza eskatu zion Udalari. Ple­no­ak 1000 euroko laguntza ematea onartu zuen aho batez.    

Udala eta Donostiako Kirol Patronatuaren hitzarmena, kirol zerbitzuak erabiltzeko
Kiroldegiko obrak direla eta, Her­na­niko Udalak eta Do­nos­tiako Kirol Patronatuak si­na­tuko duten lankidetza hitzar­me­naren pro­po­samena era­man zuen Gobernu Tal­deak asteartean, Plenora. Hau­en bo­tuekin onartu zen; opo­sizioa abs­te­nitu egin zen. Esti Aldeitu­rria­­gak azaldu zuen hitzar­mena. Ige­rilekuko obrak direla eta, hain­bat irtenbide bilatu dituzte urte­bet­ean hernania­rrek aukera izan de­za­ten. Zinegotziak azaldu zuen, ger­tu  egotea kontuan izan dutela, eta hernaniarrek mu­gi­kor­ta­sun al­de­tik, bertaratzeko errazta­su­nak izatea. Paco Yoldi eta Etxadi ins­talazioak erabili ahal izango di­tuzte igeriketa eta waterpolo tal­­deek eta herna­nia­rrek; baina ez dira ikastaroak emango. Orain ar­t­eko txartel berdinarekin sar­tze­ko aukera izango dute; hau da, her­niarrak bazkide izango dira eta Udal­ak asu­mituko du diferentzia. Amo­narraizek gal­de­tu zion zer­ga­tik asumi­tzen duen Udalak adin txikikoen kostua  eta ez hel­duena. Aldeiturriagak eran­tzun zion, klu­bekin aztertu dela egoera, eta adin­gabeak babestea adostu dela. Amonarraizen ustez, guztiei la­gundu beharko lieke Udalak.  Aris­­tregik langileen ego­era atera zuen mahai gainera. Az­pikon­tra­tatuta dauden sorosle eta lan­gil­eekin zer gertatuko den gal­detu zuen, eta Uda­lak lan­gi­leen esku­bi­deak de­fen­datu eta berma­tu be­har ditue­la gehitu zuen. Al­deitu­rria­gak lantzen ari direla azaldu zion eta Alkateak azpi­ma­rratu zuen lan­keta bat egiten ari direla, eta lan­gileen eskubideak erres­­pe­tatzen ez direla esatea, ge­hie­gi esa­tea dela. Honen in­gu­ruan izan zen ez­tabaida nagusia. Crespok ere har­tu zuen hi­tza, eta hitzarmenaz ga­i­n, ai­rean askoz gai gehiago dau­­de­la esan zuen so­zialistak. Denak el­kartu eta bilera bat egitea propo­satu zuen Crepsok; bi hila­be­te da­ra­­ma­kitela hori eskatuz, eta de­nen ar­tean ideia gehiago izan di­tza­­ke­tela: lan­gileak, ikastaroak, klu­­­ben e­goe­ra... eztabaidatzeko gai­ak as­ko direla gaineratu zuen.  Bu­run­tzal­deako hitzarmena az­ken ur­te­etan berraztertu izan ba­litz, hori soluzio bat izan zitekeela ere azal­du zuen Crespok. Alkateak eran­tzun zion, Buruntzaldean be­rriz sar­tzea erabaki ez bada, aka­so na­hi ez delako dela. Botazioan, Go­­­­­bernu Taldeak alde bozkatu zuen; eta oposizioa abstenitu egin zen.

Bi mozioak, onartuta
Orain Hernani eta Podemos Her­na­ni Ahal Dugu zirkuluak eta El­kar­tasun Guneak aurkeztutako mozioak ere, onartu egin zituen Plenoak. 
Aurreneko mozioak hainbat eskaera egiten ditu ani­malien eskubideak babesteko: animaliak era­biltzen dituzten zirkoen ins­ta­lakuntza Hernani osoan de­be­katzea; kautibitatean dauden ani­malia basatien esposizioa de­bekatzea erakusketetan, eta baita kale edo bestelako leku publiko eta zentro komertzialetan; eta Udalak Euskal Gobernua estutzea horrelako debekuak autonomia osora zabaltzeko. Aho batez onar­tu zen. Gobernu Taldeak azaldu zuen, hala ere, orokorrago lan­tze­ko gaia iruditzen zaiola, haus­nar­tu beharrekoa; izan ere, erabaki hori inkoherentea izan daitekeela hilabete honetan he­rrian biziko denarekin. Gai­ne­rako alderdiak ados azaldu ziren mo­zioarekin, eta Aristregi berak azal­du zuen, hau aurreneko pausu bat izango dela, eta ordenantza bera ere, berritu beharko litzatekeela.  
Elkartasun  Guneak aurkez­tu­ta­ko mozioa ere onartua izan zen PSE-EEren abstentzioarekin. Ber­tan, Fresneseko espetxean izan be­rri den egoeraren berri ematen da: Itziar Morenoren aurkako zi­go­rra; Ugaitz Errazkin hernania­rrak eta beste hainbat presok egin duten gose greba... Mozioan Uda­lari eskatzen zaio salatu dezala euskal presoen aurkako salbu­es­pen le­geen aplikazioa, eta zehazki Itziar Morenoren kasua. Hone­ta­­rako, Udalari eskatzen zaio Fres­nes es­petxeko zuzendaria­re­kin ha­rre­manetan jarri, eta oi­na­rriz­ko es­ku­bideak berma ditzala es­ka­tzea.  Alkateak jakinarazi zu­en, bere izenean deitu ziola Fres­ne­se­ko zuzendariari, eta Ugaitzen ka­su­ari buruz eta dituzten as­mo­en in­gu­ruan galdetu ziola, eta be­ra­rekin bilera bat ere eskatu zuela, nahiz eta hau azkenean bide­ra­tze­rik ez izan. Mozioa onar­tuta, orain es­ka­era Udalaren izenean bide­ra­tu­ko dela jakinarazi zuen. On­dor­en, Inhar Olanok presoek bizi duten egoeraren berri eman zuen.

Hainbat gai, bukaeran
Plenoko puntuak bukatuta, gal­dera eta erreguak aprobetxatu zi­tuzten alderdiek hainbat gai lan­tzeko. Horietako bat izan zen OH!k  Alkateari egindako eskaera. Her­na­ni Erabaki ekimenaren ba­rru­an,  ‘Tratu txarrak edo indar­ke­ria ja­­­saten duten emaku­me­en­tzako la­guntza juridiko eta psi­kolo­gi­ko­rako zerbitzua’ emateko 20.000 euro bideratu zirela dio OH!k 2014­an. Zerbitzu hori ez zela mar­txan jar­ri azaldu dute egu­notan ­ pren­tsan, eta dirua beste zerbitzu ba­tzu­etara bideratu dela. Gobernu Tal­dea eta Berdintasun Kontseilua minduta azaldu ziren, eta azken hau erabakigune bat dela azaldu zuen Alkateak; eta go­goratu zion, berak eman ziz­kiola azalpenak. Orain Herna­nik adi­erazi zuen, be­rak ez duela Ber­din­tasun Kon­tsei­lua inondik inora zalan­tzan jarri; eskatzen du­ten bakarra dela be­raiei ba­ka­rrik ez, «herritarrei azaldu behar zaiela zergatik ez den erabakia martxan jarri»; 300 boto baino ge­hiago jaso zituen erabakia dela.