Oztopoz eta korrikalariz beteko da Astigarraga, bihar zortzi, maiatzaren 29an. Astebete geratzen da, Eternal Running obstakulo proba jokatzeko, herriko kaleetan eta txoko ezberdinetan barrena.
Ibilbidea, ordea, sekretua da momentuz. 10 kilometro baino gehiago izango direla bai, eta 80 oztopo gainditu beharko dituztela ere bai, aldapa haundiekin gainera. Baina hortik aurrera... Edozer aurkitu dezakete partehartzaileek, bidean.
Goizeko 11:00etan hasiko da proba, eta hiru ordu izango dituzte, bukatzeko.
Izenematea, interneten edo Bereziartua sagardotegian
Parte hartu nahi duena, garaiz dabil oraindik ere. Bi aukera jarri dituzte horretarako: interneten, www.eternalrunninginvencible.com eta www.thunar.com web orrietan; edo Bereziartua sagardotegian. 26 euro dira.
Festa moduan antolatzen dituzte horrelako probak: mozorrotuta joaten dira asko, indarrak berritzeko ardoa, garagardoa, gazta, txutxeriak edota patatak izaten dira ibilbidean... Helburua, ondo pasa eta proba bukatzea izaten da; garaitezina izatea.
80 oztopo eta helmuga bakarra
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!