Ardi, artzai, txakur eta txirrindulari, denetik izango dira gaur, Hernaniko Gazte Olinpiadetako partehartzaileak. Bi proba egingo dituzte: artzai txakur txapelketa goizean, igerileku irekietan, eta kronoeskalada arratsaldean, Pipiritako aldapan.
Goizeko 11:30etan jarri dute elkartzeko zita, igerileku irekietan bertan, eta eguerdiko 12:00etan hasiko da proba. Talde bakoitzetik, zortzi lagunek hartuko dute parte: sei ardi (begiak tapatuta), artzai bat eta txakur bat. Aurreratu dute, asko baloratuko dutela mozorrotuta joatea.
Artzaiak gidatuta, ibilbidea osatu beharko du artaldeak, baina txakurrari ezker, eskubi, aurrera eta atzera hitzak esan gabe.
Bazkaria igerilekuetan, eta kronoeskalada gero
Eguraldi ona egiten badu, igerilekuetan bertan bazkalduko dute elkarrekin, bakoitzak eramandakoarekin, trikitilari eta jolasekin. Eta ondoren, Piripitara abiatuko dira elkarrekin, arratsaldeko proba egitera.
Kronoeskaladan, talde bakoitzeko lau kide ariko dira bizikleta hartuta: bi mutil eta bi neska. Piripitako aldapa igo beharko dute laurek, eta kontutan hartuko da, taldeko azkenaren denbora. Talde bakoitzak, irteera ordu bat izango du finkatuta, eta kaskoa derrigorrezkoa da.
Bi talde onenen artean, finala jokatuko dute gero, eta batera abiatuko dira biak.