Urumea ibaiak bustitzen dituen herrietako testigantza eta bizipenak biltzen ditu Ni, Urumea dokumentalak. Ibaiak merezi duen protagonismoa du bertan, eta baita ere naturak eta inguruko hirigintzak ere. Bertako gizakiek duten harremana ere bildu dute dokumentalean: arrantzaleak, basozainak, kirolariak eta beste hainbat lekukoren bizipenak, kondairak eta anekdotak kontatzen dira. Herriz herri ari dira proiektatzen, eta ereñotzuarrek ekainaren 3an izango dute ikusteko aukera, 19:00etan hasita.