Ikasturte bukaera gertu dagoela eta, festa egingo dute gaur zortzi, ekainaren 4an, Astigarragako Herri Eskolan. Goizeko 10:00etan hasita, denetik izango da: olinpiadak ikasleen artean, margotzeko txokoa, ikasleen judo eta dantza erakustaldiak, argazkilaritza eta sormen tailerreko ikasleen erakusketa, haur eta helduen bikotekako krosa, bazkaria eta karaokea eta diskofesta.