Astigarragako guraso batzuek bat egin nahi izan dute Greziako Chios uhartean Intxaurrondoko Gastronomia elkarteak martxan jarritako Zaporeak proiektuarekin; helburua da Siriako gerratik ihes egin eta Grezian, kontzentrazio eremuetan daudenak laguntzea.
Horregatik, bilketa egingo da Astigarragan; gaur Aniztasun Azokan jarriko dute postua, eta datozen egunetan, Astigarragako Herri Eskolako sarreran ere kaxak jarriko dira. Era berean, ekainaren 4an, Ikastola Egunean, Foru Plazan egingo dute bilketa.
Jakiak eta bestelakoak
Bildu nahi diren produktuak hauek dira: hortzetako pasta eta eskuilak, jaboi pastilla neutroak, haurrentzako pardel eta toallitak, haurrentzako esne-hautsa eta zerealak, pasta eta lekaleak.
Bestalde, diruz lagundu daiteke: Kutxabank, 2095 5011 80 9115250322; edo Laboral Kutxa, 3035 0103 88 1030035880.