Murgiatarren familia eta Santiomendiko baserriko familia izango ditu protagonista gaur, 17:30etatik aurrera Sagardoetxeako sagastietan antzeztuko den lanak: Luis eta Eugeniaren bikiak.
Ezkontzaren ondoren, bataioa
Lehengo urteko antzezlanaren jarraipena izango da gaurkoa. Lehengo urtean, markesaren alaba eta Santiomendiko semea ezkondu egin ziren, eta aurtengoan, senar-emazteek bikiak izan dituztela antzeztuko da, eta bataioa eta festa haundia izango dira, ospatzeko.
Antzerki musikatu honekin, bukaera emango dio Sagardoetxeak Sagastiak Loretan udaberriko jaialdiari.
50 aktore eta musikari inguru
Emanaldia Sagardoetxeako sagastietan egingo da, eta aurten ere, Norberto Almandoz Musika Eskolako ikasleek, Antzerki Eskolakoek eta Astigar dantza taldeko dantzariek hartuko dute parte; guztira, 50 bat, aurten ez baita abesbatzarik izango.