Bihar hasi eta datorren ostiralera arte, Borroka Astea deitu du LAB sindikatuak. Manifestazioa egingo dute Bilbon, bihar arratsaldeko 17:30etan hasita, eta datorren astean prestatu dituzte langileen borrokarako ekintzak, Hernanin eta inguruko herrietan.
Horrela, elkarretaratzeak izango dira Hernanin (Zinkoenean), Usurbilen eta Lasarten, astelehenean 19:30etan.
Ostegunean, berriz, mahai ingurua antolatu dute Biterin, 19:00etan, eta bertan hartuko dute parte LABek, Ernaik, Bilgune Feministak eta Sortuk.
Ostiralean, bukatzeko, kotxe karabana abiatuko da Usurbilgo Ingemarren aurretik, goizeko 10:00etan; eta manifestazioa izango da Lasarten, arratsaldeko 19:30etan.