Kiroldegiko obrek iraun bitartean, Astigarragan eta Donostian aukera

Igerileku estaliak itxita dau­den bitartean, «erabiltzaileei zerbitzua bermatzeko», nego­zia­zioak egin ditu Hernaniko Udalak, inguruko he­rri­ekin, eta asteazkenean eman zituen aditzera emai­tzak, Kirol Ba­tzor­dean: obrek iraun bitar­te­an, Astigarragako kirol­de­gi­an eta Donostiako Paco Yoldin eta Etxadin izango dute au­ke­ra bazkideek, igerilekura joateko.
San Joanetan itxiko dira igerilekuak, urteroko garbi­ke­ta egiteko, baina gero, kirol­de­gia hobetzeko lanak hasiko dituzte, eta ez dituzte igeri­le­kuak irekiko, bukatu arte.

Astigarragan, ekainaren 11tik
Horregatik, ekainaren 11tik au­rrera, Astigarragako kirol­de­gi­ko igerile­kua erabili ahal izan­go dute bazkideek, bi herrie­ta­ko Udalek kirol arloan dauka­ten akordioari esker. Irailetik aurrera, berriz, Donostiako bi kiroldegitara joateko aukera izango dute: Paco Yoldi eta Etxadi. Hiruretara, Hernaniko kiroldegiko txartelarekin sartu ahal izango dute.
Udalak egin dituen nego­zia­zioetan, «lehentasuna izan da, batetik, igerilekuak erabil­tzen dituzten kirol taldeen jar­duera bermatzea; eta bestetik, igerilekuen beste erabil­tzai­le­en jarduera ahalik eta mo­du­rik onenean bermatzea. Ho­rre­gatik jo genuen Donostiako Udalera, instalazio eskaintza zabalagoa duelako, Hernanitik gertu dagoelako eta garraio pu­blikoan erraz iritsi daite­ke­elako», azal­du dute. Bi Udalek, ekainaren 2an sinatuko dute akordioa.

Hernaniko kiroldegiko txartelarekin sartu ahal izango dute bazkideek, Astigarraga eta Donostiako kiroldegietara.

Udalak eskuorria bidaliko die kiroldegiko bazkide guz­ti­ei, eta bertan emango die in­for­ma­zioa obrei buruz, dauzka­ten alternatiba horiei buruz, eta Astigarraga eta Donostiako ins­talazioen ordutegiei eta ber­ta­ra iristeko autobusei buruz.

Gimnasioa zabalik, abuztuan
Bestalde, Udalak aurreratu du, gimna­sio­a zabalik egongo dela abuz­tu­an ere (07:30-14:00 eta 16:30-20:30), «gimnasioko era­bil­­tzaileen foro­­an egindako eska­era nagusiari erantzunez».