Topagunea egingo dute gaur, arratsaldeko 18:00etan Gabriel Zelaia eraikinean, eskualdeko lehen sektorea indartzeko helburuarekin. Eta horretarako, sektoreko eragileak bertan izatea nahi dute. Guztiei luzatu diete gonbitea, saioan parte hartzeko.
Beterriko tokiko garapen zerbitzuak jarri du martxan proiektua, lehen sektorean berrikuntza soziala sustatzeko, eta hori diseinatzeko, sektoreko eragileen partehartzea bilatu nahi du.
Lehen sektorea indartzeko, proiektu eta lan ildo zehatzak finkatu nahi dituzte, gaurko saioan hasita.
Lanbidek finantzatuko du proiektua, eta bi aholkularitza enpresarekin elkarlanean eramango dute aurrera: Hiritik at eta Ximaur.
Prozesu kolektiboan sartuta
Duela lau hilabete hasi ziren lantzen, lehen sektorea suspertzeko azterketa eta ekintza plana. Orain, prozesu kolektibo batean sartu dira. Ekoizle, kontsumitzaile eta eragileekin ari dira lanean, agroekologiaren eta km0 filosofiaren ikuspegitik, sektorea nola indartu ikusteko.
Egoeraren diagnosi bat osatu dute, eta eskualdean martxan dauden ekimen interesgarriak ere jaso zituzten, apirilean Astigarragan egin zuten foroan.
Proiektu eta lan ildoak zehaztea, hurrengo pausoa
Hurrengo pausoa, epe motz zein ertainera proiektu eta lan ildo zehatzak finkatzea izango da. Horretarako aurreneko zita, gaur arratsaldean.