Murgiatarrak eta Santiomendiko familia batuko dituen antzezlana, dantzak eta musikak jantzia

Sagastiak Loretan, uda­be­rri­ko jaialdiari bukaera ema­teko, aurten ere antzer­ki musikatua antolatu du Sa­gardoetxeak.
Larunbat honetan an­tzez­tuko dute Luis eta Eu­ge­nia­ren bikiak obra, 17:30etan hasita Sagardoetxeako sa­gas­tian, Astigar dantza tal­deak, Norberto Almandoz Musika Eskolako ikasleek eta Antzerki eskolako ikas­leek.

Karmen eta Juantxo bikien bataio festa
Badira urte batzuk Sagar­doe­txea ikuskizun hau an­tolatzen hasi zela. Hasieran, kontzertua ematen zen sagastietan, baina azken hiru urtetan, antzezlan baten eszenatoki bihurtu da in­gurua, herriko kultur tal­deen parte hartzeari esker.

Lehengo urteko istorioari jarraipena emango diote larunbatean.

Lehengo urtean, Murgia  familiaren jauregiko Mar­ke­saren familia eta San­ti­o­mendiko baserri bateko fa­milia baten istorioa kontatu zuten, eta aurten jarraipena emango diote istorioari. Izan ere, iaz  Luix, Asti­ga­rra­gako Goikoe­txea base­rri­koa eta Eugenia, Marke­sa­ren alaba ezkondu ziren, eta aur­ten, bikiak izango dituz­te:  Juantxo eta Karmen.