Ospakizunen azkeneko astea, hitzaldi, antzerki saio eta futbol jardunaldi artean

Azken txanpan sartu da CD Hernani, bere 75garren urteu­rreneko ospakizunetan. Aste honetan izango dituzte azke­nak: hitzaldia, antzerki saioa, fut­bol jardunaldia eta esku pe­lota jaialdia.

Hitzaldia ostegunean, futboleko hiru adituk
Ostegunean izango da aurre­ne­koa, futboleko hiru adituren hi­tzal­di teknikoa: Loren Jua­rros, Realeko kirol zuzendaria; eta Gaizka Garitano eta Ri­car­do Sa Pinto entrenatzaileak. Hirurak dira, gainera, Realeko jokalari izandakoak.
Arratsaldeko 19:30etan izan­go da saioa, udaletxeko areto nagusian, eta errendi­men­du­rako formakuntzaz ariko dira hirurak, goi mailara iristeko bide gisa.

‘Jokoz kanpo’ antzerkia, ostiralean
Hurrengo egunean, berriz, an­tzerki saioa izango da Biterin, arratsaldeko 19:00etatik au­rre­ra: Jokoz kanpo. Real So­cie­dad Fundazioak eta CD Herna­nik antolatu dute, elkarlanean.
Eta astea eta urteurreneko ekintzak borobiltzeko, zita bi­koitza izango da igandean. Batetik, futbol eskolako jardu­naldi berezia egingo dute Zu­bi­pen, goizeko 09:00etan hasi­ta. Eta bestetik, esku pelota jaialdia izango da kiroldegiko frontoian, 11:00etatik aurrera. Hain justu, Berria txapel­ke­ta­ko kanporaketa izango da.