Proposamenak jasotzeko fasean dago murgilduta Hernani Erabaki, eta horretarako, beste hiru bilera egingo dituzte aste honetan hiru auzotan: gaur Kaxkoko bizilagunekin izango dira, 20:00etan; etzi, Florida-Etxeberrin, 19:30etan; eta ostegunean, Lizeagako auzotarrekin, 20:00etan. Horrez gain, edonork aurkeztu dezake bere proposamena ekainaren 6a baino lehen, herriko hainbat puntutan dauden buzoien bidez, erabaki.hernani.eus web orrian dagoen imprimakia betez, edota egunotan dauden bileretara joanda.