Txalaparta Festaren hogeita hamargarren edizioa egingo dute bihar, eta motorrak berotzen hasteko, emanaldi berezia eskainiko dute Hernaniko txalapartariek gaur, arratsaldeko 19:30etan, Biterin: azken 30 urteetan Hernaniko Txalaparta Eskolan ibilitako ikasleek bat egingo dute.
Belaunaldi guztietako txalapartariek izango dute ordezkaritza oholtza gainean, eta tartean, Oreka TX taldeko Arkaitz Martinez izango da.
Egun haundia, bihar
Baina hori hasiera besterik ez da izango, izan ere, bihar-koa izango da txalapartarien egun haundia: goizeko 12:00etako erromeriarekin hasiko dute festa, eta bazkari herrikoiaren ondoren, 17:00etan izango da Jaialdi Nagusia, Tilosetan.