CD Hernani kirol klubak 75 urte bete ditu aurten, eta hori ospatzeko ekintzaz ekintza dabiltza maiatzean zehar. Egitarau horren barruan, mahai-ingurua egingo dute gaur, hiru gonbidaturekin.
Naroa Agirre atleta, Abel Barriola pelotaria eta Aitor Lopez Rekarte futbolari ohia goi-mailako kirolarien bizitzari buruz arituko dira gaur arratsaldeko 19:30etan, Biterin.
Jon Eskudero Berriako kazetariaren eskutan egongo da solasaldiaren gidaritza, eta beraien bizitzari buruz, goi-mailako kirolari buruz... hitz egitea proposatuko die hiru kirolariei.
Kluba herritarrei gerturatzea da 75garren urteurrenaren egitarauaren helburua. Horregatik, herritarrei bertaratzeko gonbidapen berezia egin nahi diete.
Agirre, Barriola eta Lopez Rekarterekin solasaldia, goi mailako kirolaz
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!