Hernaniko PSE-EE udal taldeak Kronikara bidalitako prentsa-oharrean, Udalari eskatzen dio «kiroldegiaren proiektuaren jarraipenerako eta koordinaziorako batzordea» osatzea, eta dio, premiazkoa dela «kiroldegiko obren garapena zuzena izan dadin ziurtzatzeko» eta, baita ere, «proiektuak sortuko dituen eraginei aurre egiteko».
Hainbat galdera
«Ez dakigu zein aukera dituzten kiroldegiko instalakuntzak erabiltzen dituzten taldeek. Ezta ere, erabiltzaileak zein kiroldegitara lekualdatuko diren edota zer pasako den ordaindu duten kuotarekin. Bertako langileekin eta zerbitzuak eskaintzen dituzten enpresekin zer gertatuko den ez daki inork», azaltzen du PSE-EEk prentsa-oharrean.
Informazio falta horren aurrean, PSE-EE udal taldeak dio «hilabeteak» daramazkiela obraren eraginaren inguruko informazioa eskatzen, eta «kiroletako batzorde monografiko bat ere» eskatu dutela, baina «oraingoz ez da egin».
«Proiektu hau udal gobernu honen ahalmenen gainetik dago».
«Kudeaketa txarra eta inprobisazio politikoa»
Ricardo Crespo PSE-EEko bozeramaileak dio harrituta dagoela «kudeaketa txarra eta inprobisazio politikoagatik»; izan ere, «badirudi besteok proiektuaren akatsak salatzen ditugunean bakarrik mugitzen direla».
Horren aurrean, sozialisten iritziz, «proiektu hau udal gobernu honen ahalmenen gainetik dago».