Dirulaguntza deialdia zabaldu du Astigarragako Udalak, kooperazio programak antolatu eta garatzeko. Helburua da, herri txiroetako biztanleen egoera sozio-ekonomikoa garatu eta hobetzeko asmoz, aurrera eramango diren jarduerak diruz laguntzea.
EAEko edozein pertsona edo gobernuz kanpoko erakundek eskatu dezake dirulaguntza, baina lehentasuna izango dute Astigarragakoek. Ekainaren 6a izango da azkeneko eguna, eskaerak udaletxean aurkezteko.
Gehienez ere, kostuaren %50
Entregatu behar dira: inprimaki ofiziala, jarduera edo programaren proiektu zabala, eta aurrekontua. Gehienez ere, kostu osoaren %50eko dirulaguntza emango zaio.
Astigarragako gazte kooperatzaileei, bekak
Bestalde, Udalak argitaratu ditu Astigarragako gazte kooperatzaileentzako bekak. Urtero zabalduko dute deialdia, eta aukeratutakoek, herrialde txiro batean gutxienez hilabete emango dute, Garapenerako GKE batekin.
Gehienez ere, 1.500 euroko dirulaguntza jasoko du bakoitzak. Eskaerak udaletxean aurkeztu behar dira, NAren fotokopia, kurrikuluma, gastuen aurrekontua eta tokiko erakunde baten abalarekin.