Gaur irekiko da proposamenak egiteko epea

Hirugarren urtea da Hernani Erabaki parte-hartze prozesua martxan jartzen dela. Aurten ere, herritarrek erabaki ahal izango dute zertan gastatu datorren urteko aurrekontuko 500.000 euro.
Horretarako, prozesua lau fasetan banatu dute, eta gaur hasiko da aurrenekoa: pro­po­samenak egiteko epea irekiko da, ekainaren 5era arte.

Hiru bide, proposamenak egiteko
Aurtengo edizioan erraz­ta­sun gehiago jarri nahi izan diz­kiete herritarrei pro­po­sa­me­nak egiteko; horrela, hiru bide erabili ahal izango dituzte.
Batetik, interneten egin ahal izango dira pro­po­sa­me­nak, www.hernani.eus web­gu­nean. Bertan, gainera, pro­ze­su osoaren jarraipena egi­teko aukera izango da.
Bestetik, aurreko urteetan ez bezala, aurtengoan auzoz auzo bilerak egingo dira aurreneko fase honetan ere, proposamenak jasotzeko.
Azkenik, berriro ere bu­zo­iak erabili ahal izango dira proposamenak egiteko, eta aurten, gainera, ohiko le­ku­e­tan ez ezik, auzoetan ere ja­rri­ko dira. Dagoe­ne­ko etxee­tan banatu dituzte pro­po­sa­menak egi­te­ko era­bili da­i­tezkeen esku-orriak.

Jarraipena, udaratik bueltan
Proposamenak egiteko epea ekainaren 5ean bukatuko da eta irailera arte balorazioak egindgo dituzte teknikariek. Udaratik bueltatzean hasiko da hirugarren fasea; pro­po­sa­menak lehenesten has­te­koa. Bozkatzeko aukera, be­rriz, urritik aurrera izango da.