Aurten ere, protagonismo berezia eskainiko diote astigartarrek ilarrari, eta datorren astean ospatuko dute Ilar Eguna, bosgarrenez. Eguna baino, hala ere, jardunaldiak izango dira, ilarrari eskainiko dizkiotenak. Zehazki, ostegunean hasi eta igandera arte, lau eguneko programa prestatu dute, Astigarragako Baratz Elkarteak, Behemendik eta Udalak elkarlanean.
Pintxopotea, hasteko
Pintxopotearekin emango diote irekiera, ostegunean. Herriko tabernetan egongo dira ilar pintxoak, eta onenari, saria emango dio sukaldari profesionalen epaimahaiak.
Ostiralean, baratzen bisita egingo dute ikasleek, eta hitzaldia eta ilar dastaketa izango dira arratsaldean.
Larunbatean, berriz, ibilaldi gidatua eta ilar dastaketa egiteko aukera izango da, doan, baina izena eman behar da: baratz.elkartea@gmail.com edo donostialdea@behemendi.eus.
Eta ondoren, ilar menu berezia ere egingo dute, Roxario jatetxean. Txartelak salgai jatetxean bertan (943 55 11 38 edo info@roxario.com) edo donostialdea@behemendi.eus.
V. ILAR EGUNA
MARTXOAK 12, osteguna
19:00, Ilar pintxopotea, Astigarragako tabernetan.
21:30, Pintxo onenaren sari banaketa.
MARTXOAK 13, ostirala
09:00, Baratzen bisita, Astigarragako Herri Eskolako eta inguruko ikastetxeetako ikasleekin.
18:30, Haziaren garrantzia nekazaritzaren historian, Marc Badalen hitzaldia, udaletxean.
19:30, Ilar dastatzea kontzejupean, Charo Zapiain eta Roberto Ruizekin.
MARTXOAK 14, larunbata
11:00, Baratzen bisita, udaletxeko kontzejupetik abiatuta.
14:30, Ilar menu berezia, Roxario jatetxean.
MARTXOAK 15, igandea
09:00, Txistularien diana berezia.
10:00, Ilar azoka eta Euskal Herri osoko produktuak salgai, Foru Plazan.