Atzo hil zen Vicente Goikoetxea Balda Hernanin, «2016an Euskadin amiantoaren eraginez hil den 10garren biktima», Asviamie elkarteak salatu duenaren arabera.
«Osalanen ikerketan akatsa»
Asviamiek azaldutakoaren arabera, «1960 eta 1973 urteen artean Hernaniko Aceros y Fundiciones del Norte Pedro Orbegozo eta Astigarragako Fundicion Epifanio Eizaguirre enpresetan mantenu lanak egitean amiantoarekin kontaktuan egon zen, eta ondorioz, Mesotelioma Epiteliode gaixotasuna izan zuen».
Irailean onartu zion Gizarte Segurantzak «Ezintasun Osoa, lan gaixotasunaren ondorioz». Hala ere, Asviamiek salatu du «Osalanek egindako ikerketan akatsa» egin zela, eta «enpresan esposizio kantzerigenorako aukera zabalik» geratu zela.
Horrela, akatsa zuzentzeko eskatu du Asviamiek, eta «amiantoaren eraginez sortutako minbizia epidemiaren aurrean erakundeen isiltasunari aurre» egiteko.