Hernanik zelaian lortutako permanentzia ez du Komitearen erabakiak atzera bota

Diziplina Batzordeak hartu du erabakia: bertan behera utzi du Gernikak eta CRC Pozuelok jar­ri­tako erreklamazioa. Atzo ja­ki­n­arazi zuen erabakia, es­pero baino as­tebete be­ran­duago. Beraz, Her­nani Ohorez­ko A mailako tal­dea izango da, datorren denbo­ral­dian ere.  Zelaian irabazi du aurten Hernanik permanentzia, eta  klubak Komitearen eraba­ki­an konfiantza bazuen ere, erresoluzioaren zain ziren. Atzo eguerdiko 12:30ak pasatsu zir­en berria jaso zutenean, eta balo­ra­zioa egiteko asmoz, prentsaur­re­koa eman zuen klubak ilun­tzean: Juan Ro­dri­guez pre­si­dentea, Rafa La­rre­txea presidente or­dea, Joxe Elosegi zuzendari tek­nikoa eta Patric Polidori entrena­tzaileak eman zituzten azal­pe­nak. Hasteko, guztiek eskertu na­hi izan zuten egun-aste hauetan izan duten babesa: herritarrena, klubena, ingurukoena...

«Balorazioa, positiboa»
«Ez genuen zalantzarik; Ko­mi­tearen erabakiak hori izan be­har zuen. Aldaketa hu­ra ez zen in­tentzio txarrarekin egin, ez dago tranparik atze­an, inongo asmo beltzik» hitzekin hasi zuen Juan Rodriguez presi­den­teak, pren­tsau­rrea. Azk­en bilakaeren berri eman zuen, eta erresoluzioak esaten zue­na ere azaldu zuen: «Komiteak bertan behera utzi du Ger­nikak eta Pozuelok jarritako erreklamazioa; hori da mo­men­tuz azaltzen dena. Komitearen arrazoiak da­tozen egunetan jakingo dira. Balorazio positiboa egin dugu. Baina esan nahi dugu fuertea dela egin zaigun aku­sazioa: okerreko ali­neazioa egin izana salatu dute». Pre­sidentearen azken hi­tzei segida emanez, Larre­txe­ak ge­hitu zuen: «erreso­lu­z­ioan argi azal­tzen da hasieratik mantendu duguna. Alegazio okerra edo ilegala izan zela zioten erre­kla­mazioan, eta Espainolak esan du aldaketa izan dela okerra, ez ali­nea­zioa».  Orain errekurritzeko aukera izango dute klubek.

Beste 6-7 kasu, denboraldi honetan
Elosegik gaineratu zuen, egun hauetan denboraldi osoko aktak errebisatzen aritu dela, eta badaudela beste 6-7 kasu oso antzekoak direnak: «hor ikusten da gertatzen dena. Federazioak irtenbide bat eman behar dio honi, berriz gertatu ez dadin». Larretxeak gogoratu zuen, lehen bazela laugarren epaile bat funtzio hori zuena baina kendu egin zutela.

«Zelaian lortu ez dutena bulegoetan lortu nahi zuten»
Po­lidori entrenatzaileak errug­­­­­­biaren eta bereziki Her­na­­niren alde humanoa azpi­ma­rratu nahi izan zuen: «kiro­laren ikusp­un­tutik be­raien eskubidea zen errekla­mazioa jartzea, baina ez dut konpartitzen. Ezin dut ulertu talde batek nola salatu deza­keen bestea. Errugbiak beste filosofia bat du, eta Hernaniko klubak bereziki. Jokalariek maite dute kirol hau, eta klub hau. Kirol ikuspuntutik, ze­laian lortu ez dutena lortu na­hi izan dute bulegoetan. Kirol honetan aritzen diren jo­kalariei diedan errespe­tua­­g­atik ez nuke sekula ha­la­korik egingo.  Klub honetan pe­r­tsonak baloratzen dira. Her­nanik, kirol ikuspuntutik, zelaian lortu zuen lortu beharrekoa».