Hirugarren urtez, Astigarragako Herri Eskolako eta musika eskolako guraso eta irakasleek Bapo kantari kantu afaria antolatu dute. Petritegi sagardotegian afalduko dute, eta kantuak eta bertsoak uztartuko dituzte: upeltegietan daudenean bertsotan arituko dira; eta afalondoan, kantuan. Aurten berrikuntza bat gehitu dute: euskal kantu tradizional erotikoak ere abestuko dituzte. Ostiralean izango da aurtengo Bapo Kantari eta Petritegin jarri dute zita iluntzeko 20:00etan. Afarirako txartelak Petritegin bertan edo Petri tabernan erosi ahal izango dira, 35 euroan.