Musikari europearrei agur, gaurko kontzertu haundian

Emusik musika eskolen Euro­pako jaialdiaren bueltan Her­na­nin antolatu diren ekintzak bukatzear dira. Eta bukaera borobila izan da­din, kontzertu haundia es­kaini­ko dute gaur  Atse­gindegin, Her­na­niko eta Euro­pako zenbat puntutatik eto­­rritako musi­kariek. Goizeko 11:00etatik au­rre­ra, europar mu­­sikaz goza­tzeko azkeneko au­kera izango dute herna­nia­rrek.

250 bat musikari, Atsegindegin
Gaurko kontzertua izango da EMUSIKen baitan Hernanin egin diren ekitaldietan ga­rran­­­tzitsuena. 
Musika eskolak anto­latuta,  kontzertu berezian bat egingo dute bost taldeko 250 bat musikarik. Bertan egongo dira: Hernani Musika Eskola, Kata­luniako San Celoni Mu­sika Eskola, Italiako Toska­natik etorritako CAM orkestra, eta Alemaniako  FaTIKo taldea eta JBO Velvert orkestra.

Sorpresaz beteriko kontzertua
Txalapartarien hotsekin ha­si­ko da emanaldia, eta jarraian, Luis Intxauspe alkateak agurra egingo die musikariei. 
Ondoren, musikari guztien eskutik, Europako ereserkiaz gozatzeko aukera izango dute bertaratzen direnek. Horrek emango dio hasiera taldeen emanaldiei. Eta azkenik, Mu­si­katu bizitza EMUSIK 2016ko abestiarekin bukatuko dute kon­tzertua, denek batera.

Bukaera iluntzean, Saguesen
EMUSIK ez da hor bukatuko. Iluntzeko 20:00etan, musikari guztiak Donostiako Saguesera bilduko dira, eta bertan eman­­go diote bukaera ofiziala  jaialdi europearrari.