Astelehenean sei urte beteko dira Hernanin atez ateko sistema ezarri zenetik. Hori ospatzeko hainbat ekitaldi antolatu dituzte Hernaniko Udalak eta Zero Zabor taldeak elkarlanean.
Horietako bat da gaur goizekoa: 11:00etan hasita, Rossano Ercolini Zero Waste Europe mugimenduko lehendakariak Biterin eskainiko du hitzaldia, Ez erraustu etorkizuna, Zero Zabor da bidea izenburupean.
Hitzaldiaren aurkezpena Luis Intxauspe alkateak egingo du sarrera, eta bertan jorratuko duen gaia izango da: Hernani, Zero Zabor udalerria. Zertan aurreratu dugu sei urteotan?.
Italieraz hitz egingo du Rossano Ercolinik, baina Udalak jakinarazi du zuzeneko itzulpena egingo dutela.