Esne Beltza talde ereñotzuarrak jarri dio musika aurtengo Herri Urrats festari. Fanfare Ciocarlia taldea eta Bernart Etxepare Lizeoko ikasleekin egin dute Jalgi kantua.
Egun osoko festa, bihar
Ipar Euskal Herriko Ikastolen federazioak, Seaskak, urtero antolatzen du Herri Urrats festa, bertako ikastolak laguntzeko. Aurtengo helburua izango da Baionako Bernart Etxepare Lizeoan eraikin berri bat eraikitzeko dirua biltzea.
Urtero bezala, Senpereko lakuaren bueltan, egitarau potoloa prestatu da biharko, goizeko 10:00etan hasi eta 19:30ak ingurura arte. Beste batzuen artean, Esne Beltza taldearen emanaldia ere izango da; 17:30etan, Nafarroa deitutako gunean.