Denboraldi honetan, etxeko azkeneko partidua jokatuko du Mundarrok, gaur. Arratsaldeko 16:00etan hasiko da, Zarkumendegin, eta partidu garrantzitsua izango da, gainera. Izan ere, Allerruren kontra ariko dira moreak, seigarren posturako lehian aurkari dutena. Puntu bat atzetik daukate Allerru, eta gaur irabazita, seigarren bukatuko dute liga astigartarrek.
Gainera, Jon Riosen agurra ere izango da gaurkoa.