Ez dute hutsik egingo aurten ere astigartarrek, herriko adinekoak omentzeko. Gure Izarra elkarteak antolatuta, Udalaren eta Astigar taldearekin elkarlanean, Zaharrei Omenaldia antolatu dute bihar, 36garrenez. Urtero egiten dute, 80 urtetik gorako astigartarrei omenaldia egiteko.
Goizeko 09:30etan hasiko da ospakizuna, Txirriskla taldeko txistularien dianarekin. Txistu doinuei segida emateko, txarangak girotuko ditu kaleak, 11:30etatik aurrera. Eta 12:45etan hasiko da ekitaldi nagusia. Txomiñene frontoian elkartuta, meza emango dute aurrena, eta emanaldiak izango dira ondoren: Astigar taldeko dantzariena, Aiztondo abesbatzarena, eta txarangarena.
Gero, bazkaltzeko zita jarri dute Gure Izarra elkartean, 14:30etan, Alberro anaiek girotuta. Eta opariak ere banatuko dizkiete, omenduei.
ZAHARREI OMENALDIA, bihar
09:30, Txirriskla taldeko txistularien diana.
11:30, Txaranga.
12:45, Meza, Txomiñenea frontoian.
13:30, Astigar taldeko dantzarien, Aiztondo abesbatzaren eta txarangaren emanaldia, frontoian.
14:30, Bazkaria, omenduei opari banaketa eta Alberro anaien soinu emanaldia, Gure Izarra elkartean.