Logotipoa berritu nahi du Astigartek, datorren ikasturteari begira. Eta horretarako, lehiaketa irekia jarri du martxan, guztien proposamenekin aukeratzeko irudi berria.
Gaur hasi, eta maiatzaren 21era bitarte izango da aukera, proposamenak aurkezteko. Larunbatetan entregatu behar dira lanak, Astigarragako kultur etxean, goizeko 09:00etatik eguerdiko 13:00etara.
Adin mugarik ez dute jarri, baina oinarri batzuk bete beharko dituzte partehartzaileek: paperean edo formatu digitalean aurkeztea lanak, eta DIN A4 tamainakoak gehienez.
Saria, pintura ikastaro bat
Maiatzaren 21ean bertan aukeratuko dute, logotipo irabazlea. Joseba Barandiaran plazan, erakusketa jarriko dute Astigarteko ikasleek, eta bertan, bozkatzeko aukera izango dute, bertaratzen direnek. Eguerdiko 12:00ak arte jasoko dira azkeneko logotipoak, eta 13:00ak aldera erabakiko dute zein den irabazlea.
Saria ere jasoko du egileak: datorren ikasturtean, pintura ikastaroko aurreneko hiruhilabetea doan izango du, eta oparituko diote, hasiberriek behar duten materiala: ikatz-ziriak, arkatzak, pintzelak... yy