San Antonio jaiak iragartzeko kartel lehiaketa antolatu dute Ereñotzun, eta ostiralera arte, maiatzaren 13ra arteko epea dago, lanak aurkezteko. Edonork hartu dezake parte, eta lanek, ondorengo baldintzak bete behar dituzte: 12 cm-ko zabalera eta 32 cm-ko altuera; paperezko formatuan edo formatu digitalean aurkeztea; koloretan eta edozein modalitate artistikotan. Horrez gain, San Antonio Jaiak 2016, Ereñotzu hitzak agertu behar dira. Kultur etxera eraman behar dira lanak.